O PARTIDO COMUNISTA CELEBRA OS SEUS “90 ANOS DE COMUNISMO EN VIGO”

Tal día como hoxe luns 14 de novembro fundábase o PARTIDO COMUNISTA DE ESPAÑA, xurdido da fusión dos dous partidos comunistas existentes en novembro de 1921 no estado Español.

O PCE, forza integrada actualmente en ESQUERDA UNIDA, quiso celebrar estes 90 anos de loita xuntando na entrada do MARCO, antiga cárcere de Vigo a significados referentes do comunismo vigués. Un representante do mundo da cultura como o catedrático Xesús Alonso Montero, do sindicalismo clandestino e da transición como o fundador de CCOO Waldino Varela, un representante da loita militante clandestina como Luis González “Ferreiro” e un representane da loita institucional na transición como o ex-concelleiro Cárlos Núñez.

Con eles estiveron Carlos Álvarez o actual secretario xeral da Xuventude Comunista E Rubén Pérez, membro do comité federal do PCE e cabeza de lista de EU ao Congreso dos Deputados por Pontevedra.

A federación galega do PCE, o Partido Comunista de Galicia quiso facer este acto no M.A.R.C.O. que foi durante decenas de anos cárcere de tortura e represión por onde pasaron antes e despois da guerra centos de militantes comunistas: José Gomez Gayoso, sindicalistas comunistas da conserva, de tranvías, a militante comunista María Araújo, e durante a dictadura Carlos Núñez, Luis González, Waldino Varela, etc…

na foto, de esquerda á dereita:

• CARLOS ÁLVAREZ: Actual secretario xeral da Xuventude Comunista de Galicia 
• WALDINO VARELA: Sindicalista histórico de Vulcano, fundador de CCOO en Vigo e exconcelleiro do PCG na primeira lexislatura democrática 
• LUIS GONZÁLEZ “FERREIRO”: Responsable do aparato de propaganda do PCG durante a dictadura. Foi torturado e foi preso político do franquismo. Membro do primeiro comité central do PCG elexido en París en 1968 
• (NO CENTRO) XESÚS ALONSO MONTERO: Catedrático da Real Academía da Língua Galega e militante do PCE dende 1962. Escritor e autor de ensaios sobre o comunismo en Galicia 
• RUBÉN PÉREZ: Membro do Comité Federal do PCE e actual cabeza de lista de ESQUERDA UNIDA ao Congreso por Pontevedra 
• CARLOS NÚÑEZ: Exconcelleiro do PCG en Vigo, reorganizador das estructuras clandestinas do PCG durante a dictadura e preso e torturado no mesmo edificio. Membro do primeiro comité central do PCG no exilio.