O venres 25 de marzo unha comisión do consello local de EU Vigo reuniuse coa directiva da Asociación de Veciños de Coruxo. En dita reunión EU Vigo espuxo as liñas xerais do programa co que concorre ás vindeiras eleccións, e recolleu as inquedanzas e demandas dos dirixentes veciñais desta parroquia viguesa.Entre as propostas da coalición Rubén Pérez Correa, cabeza de lista de EU nas municipais de 2011 destacou a posta en marcha dos orzamentos participativos (condición indispensable para que EU participe no goberno municipal de Vigo), a descentralización administrativa a través da constitución das xuntas de distrito, revertir o carácter privado dos servizos municipais de auga, transporte e lixo para que volten ser público,s a incorporación dun imposto sobre o beneficio empresarial, a suba do IBI para as vivendas desocupadas, e a creación unha rede de microdepuradoras para a cidade, en contraposición ao actual proxecto de macro-depuradora.
O conflito da macro-depuradora de Coruxo, na que Asociación de Veciños e EU Vigo coinciden na súa oposición ocupou boa parte da reunión; a coalición de esquerdas e a directiva veciñal analizaron o estado das medidas emprendidas para frear o proxecto, tanto no relativo aos recursos contencioso administrativos abertos polos veciños de Coruxo, como ás accións parlamentarias levadas a cabo por EU en Madrid e Bruxelas.
No hay comentarios:
Publicar un comentario