PARTICIPAREMOS NA MANIFESTACIÓN DE "A RÍA NON SE VENDE" O DOMINGO 27 DE FEBREIRO

Coherentemente co feito de que ESQUERDA UNIDA ten reiteradamente denunciado ante a UNION EUROPEA as desfeitas medioambientais provocadas pola deficiente rede de depuración de aguas, os recheos e usos especulativos do litoral na nosa ría chamamos hoxe a a participar na manifestación deste vindeiro Domingo 27, contra os recheos na Ría de Vigo.

A manifestación a convoca a rede de colectivos A Ría Non Se Vende (http://arianonsevende.nireblog.com/) ás 12:00 da rotonda das áncoras de Bouzas e rematará na Laxe, onde se celebrará un xuízo popular contra @s responsábeis da Autoridade Portuaria de Vigo por estragar a nosa ría.

É lamentable ver como no capitalismo en crise a política de control de custos empresarial devengada (que ten nos custes loxísticos un foco especial) consiguen empregar as nosas costas en beneficio propio, a así empresas de automoción como SEAT ou CITROËN, Regasificadoras como a do Musel en Xixón ou Reganosa en Ferrol, grandes operadoras de contedores ou estaleiros privados, son capaces de condicionar a morfoloxía das nosas costas a cambio do chantaxe dos postos de traballo, argumentando se non conseguen espazos loxísticos baratos coa deslocalización produtiva. Os concellos son presionados por intereses capitalistas, pero en ocasións lamentablemente pola cidadanía enrolada nesa masa amorfa coñecida como “opinión pública”, se pliegan a estes intereses asustados máis por previsibles enquisas electorais que polo cumprimento da legalidade medioambiental e urbanística.

Nun contexto de crise capitalista o aproveitamento especulador do noso entorno faise máis patente, o todo vale dun sistema de acumulación especulativa multiplícase exponencialmente co que respostas como esta da cidadanía son imprescindibles.

Polo tanto pedimos PP, BNG, PSOE, presentes en moitas corporacións e institucións do noso país unha denuncia pública e real do que se está a aprobar en plenos e comisións. O lamentable exemplo de Reganosa é significativo de este feito.

Esquerda Unida de Vigo rexistra unha moción no Concello para que se posicione en contra da lei de augas da Xunta

O coordenador local e candidato á alcaldía en 2011 Rubén Pérez recorda que coa aprobación da lei 9/2010, de Augas de Galicia, o Parlamento Galego abre un panorama regresivo por canto avanza un modelo de xestión das augas do país caracterizado polo afán recadatorio e privatizador ao respeito dun ben fundamental como é o auga. O texto contempla varias cuestións que supoñen unha regresión sobre a actual situación e que moven a ESQUERDA UNlDA a recabar un pronunciamento a prol da súa modificación por parte do concello de Vigo

O coordenador local e candidato á alcaldía en 2011 Rubén Pérez suliña que este modelo regresivo súmase ao feito de que en Vigo a concesión privada da xestión de auga enfatiza un modelo de despilfarro por canto os cidadáns pagamos un mínimo de metros cúbicos independetemente de que non sexan consumidos e aposta por volta ao público a concesión unha vez remate nos próximos anos a concesión privada. “Unha empresa de augas municipal é pública é rentable e enfatiza o consumo social e responsable dun recurso tan importante como a auga” engadíu o candidato de ESQUERDA UNIDA

TEXTO DA MOCIÓN:

http://euvigo.files.wordpress.com/2011/02/mocion-auga-web.pdf

Acto público sobre as pensións