jueves, 29 de octubre de 2015

MAREA DE VIGO PIDE DIÁLOGO ENTRE OS ALCALDES DE A CORUÑA, SANTIAGO DE COMPOSTELA E VIGO, QUE HOXE REÚNENSE EN MADRID COA MINISTRA DE FOMENTO, CARA A ÓPTIMA E LÓXICA ORGANIZACIÓN DOS TRES AEROPORTOS DE GALICIA.

Rubén Pérez, voceiro do grupo municipal da Marea de Vigo, despois de ter falado cos representantes do concello de A Coruña e Santiago de Compostela, considera que, o alcalde de Vigo, Abel Caballero debe manter un diálogo cos mesmos, aproveitando a xuntanza de rutas que se celebrará hoxe en Madrid, cara a unha correcta organización dos aeroportos galegos, máis aló de localismos e argumentacións electoralistas.

Marea de Vigo mantén unha postura crítica coa política de subvencións á aerolíñas sen garantías de retorno para o turismo e a cidadanía, e sobre todo sen unha organización “a tres” para garantir a optimización do uso aeroportuario de Galicia. 

En todo caso a Marea de Vigo defende que ningún concello subvencione a compañías aéreas, xa que é un gasto impropio da administración local e non acaba consolidando voos nos aeroportos galegos.

Marea de Vigo considera que o alcalde de Vigo debe deixar de utilizar argumentos localistas que carecen de criterios políticos e económicos coma se estivera nun constante mitin electoral para baixarse a realidade e interlocucionar cos outros alcaldes das cidades galegas que dispoñen de aeroporto, como outro modo de defender os intereses das viguesas e vigueses, non facendo que se teña que gastar máis de un millón de euros de cartos públicos en subvencións a fondo perdido a empresas como Ryanair.

MAREA DE VIGO DEPOSITA A FIANZA DE 6000 EUROS REQUIRIDA POLO XULGADO PARA PERSOARSE COMO ACUSACIÓN POPULAR NA “OPERACIÓN PATOS”

Rubén Pérez, voceiro da Marea de Vigo, explicou hoxe en rolda de prensa, que a Marea de Vigo ven de consignar a fianza para poder levar a cabo a acusación popular na “Operación Patos”, que este grupo municipal veuse na obriga de presentar dada a negativa do goberno vigués a aportar a información sobre os expedientes que están sendo investigados; do mesmo xeito que explicou a postura da Marea de Vigo con respecto a preparación dos orzamentos do 2016 e sobre a subvención a unha compañía aérea privada (Ryanair) que acaba de ser concedida.

Para a Marea de Vigo, tal e como se reflicte no seu programa, é fundamental a participación da veciñanza e o seu tecido asociativo na elaboración de políticas municipais en asuntos de tanta importancia para as e os vigueses coma os orzamentos do Concello. Por iso esta tarde, as 20:00, no local da FAVEC, vaise levar a cabo unha xornada de traballo o respecto, onde se debaterán e prepararán emendas ós orzamentos do 2016, xunto coas asociacións de veciños, movementos sociais e todas aquelas persoas que así o desexen facer.

A Marea de Vigo considera que, a cidadanía debe coñecer como interactúa un orzamento municipal coas prioridades que unha cidade ten que ter cubertas, considera non secundarios asuntos tales a xeneralización da figura do convenio con entidades para substituír ao concurso público, a aposta errónea polo formato de obra pública na modalidade concesional de humanizacións, os incrementos de pagos a empresas privadas por xestión de servizos públicos ou mesmo a priorización de gasto publicitario sobre inversión produtiva.

Na mesma liña, e a colación da subvención concedida a Ryanair, Rubén Pérez expresou a opinión do grupo municipal da Marea de Vigo con respecto a política de subvencións a compañías aéreas e o impacto que supón no turismo que ven a Vigo, cuestión que parece secundaria no plantexamento da mesma, priorizando máis a “saída” que a “entrada” de persoas, feito que podería supoñer un beneficio económico ó comercio e hostalaría da cidade; non obstante, dende o plantexamento de incremento na saída de persoas dende Vigo resulta ilustrativo que calquera voo dende Compostela a Barcelona, onde este ano non se plantexa unha subvención á Ryanair, é sensiblemente máis barato que dende Vigo, onde imos consignar máis de 1 millón. de euros á aerolínea

MAREA DE VIGO ANTE A DESTITUCIÓN DE ANA SÁNCHEZ

MAREA DE VIGO CONSIDERA QUE, O MARXE DE VALORAR POSITIVAMENTE A DESTITUCIÓN DE ANA SÁNCHEZ, O CAMBIO DE PERSOAS E NON DE SISTEMA NON SOLUCIONA O PROBLEMA DO NOVO HOSPITAL.

O grupo municipal da Marea de Vigo opina que, tanto coma o cambio de conselleiro non ía resolver o problema, tampouco o fai o cambio na dirección da Oficina Técnica de Seguemento, posto que se trata da propia concepción do modelo sanitario, onde o Partido Popular é responsable de todas as accións feitas cara á privatización dos servizos públicos.


Rubén Pérez, voceiro da Marea de Vigo, cualifica como medida positiva a destitución dunha persoa que representa perfectamente a definición de prácticas de liquidación dos servizos públicos á vez que engórdanse as contas de empresas, en moitos casos, creadas exclusivamente para coller concesións públicas como a do Hospital Álvaro Cunqueiro, e, en moitas ocasións, realizando prácticas contra os dereitos das e dos traballadores, como a que vimos con respecto a propia limpeza de obra do hospital, onde chegouse a límites de ilegalidade co cadro de persoal xa denunciados no seu día.

Marea de Vigo considera que, por moitas xuntanzas e mostras de “boa vontade” e de intención de emenda que mostre tanto o novo conselleiro como a nova directora da OTS, é necesario algo máis que iso para reverter esta situación, que non é outra que o cambio de modelo privatizador que está levando o cabo o Partido Popular, e valora como positivo o consenso entre os acordos do pleno do Concello de Vigo, os diferentes colectivos de traballadores/as sanitarios/as e as e os usuarios/as para reclamar á Xunta un hospital 100% público , posto que é a única solución para evitar as eivas sanitarias no Álvaro Cunqueiro.

DEBATE VOCEIROS MUNICIPAIS PLENO DE SETEMBRO

martes, 28 de abril de 2015

MAREA DE VIGO DEFENDE UN CAMBIO RADICAL NAS ORDENANZAS MUNICIPAIS



MAREA DE VIGO DEFENDERÁ NO CONCELLO QUE AS ORDENANZAS MUNICIPAIS SEÑAN ORIENTADAS PARA GAÑAR PROGRESIVIDADE  E PROTEXER AOS SECTORES SOCIAIS MÁIS FEBLES

A PROTECCIÓN AOS DESEMPREGADOS E AS FAMILIAS MONOPARENTAIS, O GRAVAME SOBRE VIVENDAS BALEIRAS E SOBRE OS ESPAZOS COS QUE SE ESPECULA, OU A EXENCIÓN PARA O DEPORTE DE BASE, SON ALGUNHAS DAS PROPOSTAS QUE DEFENDERÁ  NO CONCELLO DE VIGO

O candidato á acaldía de Vigo da MAREA DE VIGO, Rubén Pérez, propón que se incorpore a figura do aprazamento "sine die" nos pagos fraccionados da débeda no entanto o suxeito pasivo se atope no desemprego ou perciba uns ingresos inferiores ao SMI.

A MAREA DE VIGO achegará a proposta de protexer na tributación municipal ás unidades familiares monoparentais, de maneira análoga a como se recolle na ordenanaza fiscal primeira, no seu artigo 4, para a figura das familias numerosas. A realidade social amosa que as unidades monoparentais corren un risco engadido de caer na pobreza e a exclusión social e adoitan compoñelas con mulleres. Coa finalidade  de gañar progresividade nos tributos municipais – que pague máis quen máis ten – , a MAREA DE VIGO introducirá un índice corrector nos pagamentos que atenda aos ingresos per capita da unidade familiar.

A MAREA DEVIGO fará valer a proposta contemplada na Lei de Facendas Locais, que permite que as vivendas baleiras desocupadas (entendendo estas sen nengún consumo de auga e luz en dous anos), poidan ser gravadas  cun incremento no IBI de até un 100%.

A MAREA DE VIGO tamén propón penalizar fiscalmente aos propietarios de solares urbanos consolidados que non cumpren co deber de edificar cun alza de até o dobre da cota do IBI. No mesmo senso, imos  penalizar fiscalmente aos propietarios que incumpran o deber de conservar os seus inmobles para provocar a declaración de ruína, decuplicando a taxa cando é o propietario quen a promove.

Os planos ou informes solicitados polas entidades sen ánimo de lucro que consten no rexistro de asociacións gozarán dunha exención na súa taxa, ao obxecto de facilitar o dereito e o acceso a información por parte do tecido asociativo cidadá.

A MAREA DE VIGO entende que as nosas achegas lle entregan as ordenanzas fiscais un perfil  que incide en facelas máis atentas aos sectores sociais especialmente  golpeados pola crise, asemade de avanzar no campo da progresividade fiscal, esto é, que pague máis quen máis ten.



MAREA DE VIGO ALERTAS DAS CONSECUENCIAS NEGATIVAS QUE TEN PARA VIGO A PRIVATIZACIÓN DO REXISTRO CIVIL

AS/OS CANDIDATAS/OS DA MAREA DE VIGO QUE ASISTIRON HOXE Á CONCENTRACIÓN CONTRA A PRIVATIZACIÓN DO REXISTRO CIVIL NOS XULGADOS

A MAREA DE VIGO SIGUE CONSIDERANDO INSUFICIENTE O PLENO EXTRAORDINARIO E REAFIRMASE EN PEDIR A APERTURA DUNHA COMISIÓN MUNICIPAL DE INVESTIGACIÓN SOBRE A PRESENCIA DE FAMILIARES DE CONCELLEIROS E CONCELLEIRAS NAS PLANTILLAS DAS CONTRATAS MUNICIPAIS.

Rubén  Co proxecto de lei de medidas de reforma administrativa no eido da Administración de Xustiza e do Rexistro Civil tenta o PP un “novo capítulo de negocio e poder” ao incluír no rexistro civil novas xestións, alleas ao estado civil, que serán de inscrición obrigatoria e de pago.

Da desxudialización realizada polo PSOE á privatización en marcha do PP se pon en perigo o acceso da cidadanía de maneira gratuíta a este servizo e a súa atención por persoal funcionario público. A secuencia que pretende completar esta lei en trámite completa as previsións contidas na lei 18/2014, do 15 de outubro, que rachou o acordo sobre un rexistro civil público e gratuíto.

No afán por facilitarlle o negocio privado aos rexistradores da propiedade e mercantís a modificación da lei podería supor que o rexistro de seguros ou de actos de última vontade deixarían de ser competencia do ministerio de xustiza e cuxas certificacións teñen unha taxa que se embolsará este colectivo profesional. Outra das posibles competencias sería a da obriga da inscrición de todos os poderes tanto das persoas físicas como das xurídicas e as súas ulteriores revocacións.

Así a listaxe esténdese para embolsar no peto privado entre outras a obrigatoriedade da constancia rexistral do enderezo de rexistro e a dirección aos efectos de notificacións; o cobro polo libro de familia; o devengo de honorarios para os asuntos de carácter voluntario e que respondan ao interese particular da cidadanía, así poderes, rexímenes económicos, vecindade civil, expedientes de cambio de nome e apelidos, rexistro de parellas de feito, etc., e mesmo a posibilidade de inscrición de calquera outro feito ou acto relativo a persoas físicas previstos noutras leis para aperturar un ronsel de taxas á cidadanía e beneficios privados inacabable.

Incluso habería unha disposición final que habilitase ao ministerio para aprobar nun prazo máximo de 3 meses dende a publicación da lei os aranceis correspondentes as funcións privatizadas deste rexistro.

Semellante proxecto e intencións os fragua o PP contra o parecer dos traballadores e traballadoras deste servizo público; contra a valoración da inmensa maioría da sociedade sobre como funciona este servizo público (o Observatorio da Calidade dos Servizos Públicos na súa análise do ano 2012 indicou a valoración positiva da cidadanía nun 84%, porcentaxe superior á media dos diferentes servizos públicos); ou contra as sentenzas da UE que sinalan de xeito taxativo que os rexistradores da propiedade e mercantís non son funcionarios públicos, que deben cobrar o IVE e que o seu réxime de Seguridade Social é o especial dos autónomos, outrosí de ditaminar que os devanditos profesionais non presentan as características de subordinación e dependencia que son esenciais para que o servizo público en cuestión poida considerarse prestado por persoal funcionario da administración pública; contra case todas e todos – e a prol duns poucos amigos do presidente do goberno - teima o goberno Rajoy en privatizar o rexistro civil.

Diante deste escándalo onde o presidente do goberno faise xuíz e parte, AGE sosterá que o rexistro civil sexa un servizo propio da administración de xustiza, cuxas prazas proveeranse entre o funcionariado dos corpos superior xurídico de secretarios/as xudiciais e ao servizo da administración de xustiza.

AGE sosterá que a cidadanía poda presentar solicitudes e documentación para actuacións ante o rexistro civil nos xulgados de paz e outros que non sexan oficinas do devandito rexistro.

AGE sosterá que todas as oficinas do rexistro civil sexan atendidas en exclusiva por persoal funcionario.

AGE sosterá que todo o persoal funcionario ao servizo da administración de xustiza que preste servizo nos rexistros civís ou únicos ou nas oficinas xudiciais que realicen funcións de rexistro civil sigan a desenvolver as súas funcións respectivas con carácter definitivo.



MAREA DE VIGO CONSIDERA QUE O CONCEPTO DE "SMART CITY" TEN QUE ARTELLARSE EN TORNO Á AGORA INEXISTENTE PARTICIPACIÓN CIDADÁ



AS/OS CANDIDATAS/OS DA MAREA DE VIGO QUE ASISTIRON HOXE Á CONCENTRACIÓN EN SOLIDARIEDADE COS ENCAUSADOS POLAS MANIFESTACIÓNS NA ROTONDA DE COIA CONSIDERAN QUE UN DOS CRITERIOS QUE INCOPORA A CONSIDERACIÓN DE VIGO COMO CIDADE INTELIXENTE É A "TRANSPARENCIA", INEXISTENTE EN TODO O QUE TEN QUE VER COA ADXUDICACIÓN E INSTALACIÓN DO BARCO ALFAGEME NA ROTONDA DE COIA

RUBÉN PÉREZ, CANDIDATO DA MAREA, DI QUE "QUEN TEÑEN QUE ESTAR ENCAUSADOS SON OS QUE DESPILFARRARON NESTE DISPARATE MILES DE EUROS PÚBLICOS" E OS QUE OCULTAN O CUSTE REAL DE TAL ACTUACIÓN.

Rubén Pérez, candidato da Marea de Vigo á alcaldía de Vigo, Marga López Barreiro, nº 2 e Xosé Luis Jácome, nº 3 valoraron hoxe como "pura propaganda" acordada entre o Concello e unha empresa privada a concesión a Vigo do premio á cidade intelixente, SMART CITY e lema que estamos ante unha marca otorgada por empresas privadas que son finalmente as que otorgan os premios.

A MAREA DE VIGO considera importante un debate aberto sobre este concepto de "cidade intelixente" nun contexto donde se prioriza as cuestións de accesibilidade tecnolóxica en vez de calidade e transparencia da información que a cidade traslada aos seus veciños e veciñas.

Para Xose Lois Jácome, nº 3 da candidatura, o concepto de "cidade intelixente" "ten que ver máis coa participación da poboación nos asuntos públicos de construcción da cidade que con unha determinada característica tecnolóxica". O Concello simplemente convirte a dimensión tecnolóxica na prioridade fronte á dimensión participativa"


MAREA DE VIGO PRESENTA A PRIMEIRA FASE DA ELABORACIÓN DO PROGRAMA COLABORATIVO



RUBÉN PÉREZ E MARGA LÓPEZ, Nº 1 E 2 º DA CANDIDATURA DA MAREA DE VIGO, PRESENTARON HOXE AS MÁIS DE 83 PROPOSTAS CIDADÁS QUE ESTÁN A DEBATE NA PLATAFORMA DIXITAL EN WWW.MAREADEVIGO.ORG

Rubén Pérez, candidato á alcaldía de Vigo, considerou "altamente satisfactorio" o feito de que as propostas do programa marco e as 83 que incorporaron colectivos e personas a título individual alcanzaron máis de 1450 votos, entre positivos e negativos.

MAREA DE VIGO abriu a principios do mes de abril a ferramenta para a recollida de propostas e debate da proposta de programa marco redactada pola comisión de programa da Marea.

Marga López, nº 2 da MAREA DE VIGO suliñou que existen grandes consensos nos temas como "a remunicipalización do transporte en Vigo, a rehabilitación da panificadora, a defensa dos montes de man común fronte á especulación urbanística, o cambio nas políticas concesionais de auga e saneamento, a laicidade no Concello de Vigo". Estas propostas concitaron un consenso xeral e case nengún voto negativo.

A MAREA DE VIGO quere facer do programa aberto e participativo a ferramenta para dar poder decisorio á cidadanía que, en palabras de Rubén Pérez: "agora elabora coa Marea o programa e no futuro decidirá os posicionamentos principais da política e prácticas do grupo municipal".


RUBÉN PÉREZ (MAREA DE VIGO) CONSIDERA INSUFICIENTE A OFERTA DE EMPREGO DE REFORZO PARA OS SERVIZOS SOCIAIS DE VIGO


O CANDIDATO DA MAREA DE VIGO Á ALCALDÍA, DENUNCIA QUE O PRETENDIDO REFORZO DE TRABALLADORES E TRABALLADORAS SOCIAIS PODE FINALMENTE NON SUPERAR OS 5 CONTRATOS CANDO VIGO PRECISA DE 17.

A evidencia da saturación dos servicios sociais en Vigo, según suliñou Rubén Pérez, candidato á alcaldía de Vigo, que fai por exemplo que as traballadoras sociais atendan a unha poboación por enriba dos 18.000 habitantes cando terían que ser 8000 por cada traballadora, parece non ter ningunha resposta proactiva por parte do Concello que aínda non clarificou a cantidade de contratacións que se realizarán para evitar a saturación das UBAS... e o sistemático incumprimento dos prazos establecidos na lei 10/13 de 27 novembro de Inclusión Social de Galicia.

MAREA DE VIGO denuncia que posiblemente apenas cheguen a 5 contratacións, moi por debaixo dos 17 efectivos que esixía o Colexio Oficial de Traballo Social de Galicia (Cotsg) para Vigo o pasado mes de xaneiro.

MAREA DE VIGO lembra que a situación do persoal do Departamento de Benestar do Concello de Vigo (saturación de demandas, indefensión da plantilla en seguridade laboral e condicións de traballo,...) foi denunciada ante Inspección de Traballo e o Valedor do Pobo sen que a actitude do Concello mudara para dar solución a esta situación.


Actualmente, engade Rubén Pérez, hai posiblemente máis de 3.000 expedientes sen solventar e, coa xestións administrativas do chamado "cheque social" neste 2015 os retrasos e expedientes acumulados pode multiplicarse e saturar definitivamente o servizo.

NOVO HOSPITAL DE VIGO

MAREA DE VIGO ESIXIRÁ O COBRO DO IBI AO NOVO HOSPITAL SE FINALMENTE A SÚA XESTIÓN É PRIVADA

A MAREA DE VIGO CONSIDERA QUE A EXENCIÓN QUE ESTABLECE O ARTIGO 5.1 DA ORDENANZA MUNICIPAL QUEDARÍA SEN EFECTO AO TRATARSE DUN CENTRO HOSPITALARIO NO QUE A TITULARIDADE DO SERGAS NON SERÍA CLARA


MAREA DE VIGO sigue considerando prioritario que o proxecto do novo hospital de Vigo sexa 100x100 público evitando a entrada na xestión hospitalaria do capital privado, agora ben, existe un risco máis que probable pola maioría parlamentaria do PP de que esta situación non sexa a definitiva polo que considera imprescindible artellar as medidas que impidan o “libre negocio especulativo” que moitos pretenden facer coa sanidade pública. Hai que ter en conta que no contrato de concesión do Novo Hospital de Vigo inclúense servizos sanitarios.

Marga López, nº 2 da candidatura e traballadora do sector sanitario, lembrou que "o novo Hospital de Vigo é unha infraestrutura Sanitaria que ten como finalidade a satisfacción das necesidades de atención sanitaria da poboación do área de saúde de Vigo, e que, corremos o risco de que se realice mediante explotación de dita infraestrutura sanitaria por parte da empresa privada". Esta explotación é sobre a totalidade do NHV e non só a prestación de servizos non clínicos, tal como se indica na lexislación relativa aos contratos.

Rubén Pérez, candidato da MAREA DE VIGO á alcaldía, considera que o goberno local está "na práctica permitindo esta xestión privada do centro hospitalario" xa que o convenio asinado entre o Concello de Vigo e o SERGAS, no punto sétimo especificase que o concello executará as infraestruturas, pero unha cousa é executar e outra pagar, polo que o concello se vexa na obriga de executalas, os custos o deberían ser satisfeitos pola empresa que vai a explotar a totalidade do Novo Hospital De Vigo. Ningún Concello debería poñer gratuítamente infraestruturas a inversores privados.

A MAREA DE VIGO proporá as seguintes modificacións a actual ordenanza municipal sobre o IBI:

1. Solicitar a modificación da ordenanza fiscal do IBI, no artigo 5.1 que di: “Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario”

Quedando como segue:

Os centros sanitarios da titularidade do SERGAS que se creen con posterioridade a 1 de xaneiro de 2007 e, mentras que continuen afectados a uso sanitario e sexan explotados polo SERGAS.


MAREA DE VIGO POR OUTRO DEBATE SOBRE ÁREA METROPOLITANA


MAREA DE VIGO QUERE QUE O DEBATE DA ÁREA METROPOLITANA E DO TRANSPORTE SEÑA EN TORNO AO CONCEPTO DE UTILIDADE PÚBLICA E O ABARATAMENTO E A EFICIENCIA DOS SERVICIOS NON UN "PELOTEO ENTRE ADMINISTRACIÓNS"

MAREA DE VIGO CONSIDERA QUE O DEBATE SOBRE OS SERVIZOS DA FUTURA ÁREA METROPOLITANA, ESPECIALMENTE O TRANSPORTE QUE EMPEZA A OPERAR NESTES DÍAS, TEN QUE ARTELLARSE EN TORNO A CREACIÓN DUN TRANSPORTE PÚBLICO METROPOLITANO

Para o candidato á alcaldía da Marea de Vigo, Rubén Pérez, "que sigamos falando de quen aporta recursos ou mesmo dos futuros órganos xestores cando estamos ante un instrumento que pode ser moi eficaz para rematar coa “antidiluviana” diputación e a xestión privada con afán de lucro de transporte, auga, RSU, etc.., demostra que temos uns gobernos provinciais, autonómicos e locais de poucas miras".

A MAREA DE VIGO LEMBRA QUE Non existe hoxe máis alternativa na xestión dos recursos públicos que a mancomunada entre varios concellos, xa que os marcos de déficit públicos que sostén o goberno obligarán a reorganizar o mapa municipal.

MAREA DE VIGO pide un debate en campaña sobre as oportunidades e potencialidades da planificación urbanística e dos servicios que oferta unha área metropolitana en Vigo, sen obviar que a Lei aprobada polo PP parte de erros de bulto, como a definición real dos recursos económicos e orzamentarios para levala a cabo, e as formas xurídicas existentes para descentralizar da deputación e concellos afectados cara á entidade metropolitana.


Vigo afronta uns anos decisivos para o seu futuro, a interdependencia co entorno metropolitano, as profundas mutacións que a crise capitalista pode facer no tecido industrial da cidade, pode significar que desaparezan moitos empregos e recursos económicos que obrigan ós poderes públicos a organizar os servizos públicos para o seu abaratamento e sostenibilidade social. 

martes, 24 de marzo de 2015

CONSTRÚE O PROGRAMA PARTICIPATIVO DA MAREA DE VIGO

Lanzamos o Programa Vivo
Un xeito de facer política distinto, participativo e aberto, onde toda a veciñanza de Vigo poderá participar na elaboración do programa electoral. 
www.mareadevigo.org/programavivo
Para acceder só tes que asinar o manifesto, crear un contrasinal e comezar a facer propostas e votar as xa plantexadas. Cómpre sinalar que as propostas que incluíremos no programa serán aquelas que no cómputo de votos positivos e negativos obteñan +7.
Temos unha cidade aínda por facer. Participa!



sábado, 14 de marzo de 2015

XORNADA DE VOTACIÓN DE PRIMARIAS DA MAREA DE VIGO



Este sábado, 14 de marzo, será unha data sinalada no devir da política municipal viguesa. Por vez primeira na historia, a xente de Vigo poderá escoller libremente a lista electoral que prefira en base aos candidatos e candidatas que se postularon para a mesma. A votación das primarias da Marea de Vigo será desde as nove da mañá até as nove da noite, na cafetería La Moreneta, Colexio de Arquitectos (COAG), Doutor Cadaval nº 5 (Praza do Pobo Galego).
Un xeito de facer política inédito estase a dar na nosa cidade. Avante a Marea!

lunes, 16 de febrero de 2015

ESQUERDA UNIDA DE VIGO URXE UN CENSO PÚBLICO DE INMOBLES DE TITULARIDADE MUNICIPAL

ESQUERDA UNIDA DE VIGO URXE UN CENSO PÚBLICO DE INMOBLES DE TITULARIDADE MUNICIPAL (VIVENDAS E LOCAIS) PARA EVITAR DE XEITO URXENTE QUE FAMILIAS DE VIGO QUEDEN SEN VIVENDA POLOS DESPEXOS COMO O CASO DE AÚREA E A SÚA FILLA.

O candidato de EU ao Concello de Vigo Rubén Pérez volta a reiterar a publicación dese censo, reclamado por EU dende 2010.

O caso de Áurea e a súa filla de 3 anos que sufre fibrose quística, a piques de ser desafiuzada da súa vivenda, amosa que unha cidade como Vigo non ten resposta pública ante este drama e para Rubén Pérez esa resposta chámase: "parque público de vivendas para situacións de emerxencia"

O coordenador local de EU e candidato á alcaldía de Vigo, Rubén Pérez, considera factible igualmente que o debería inventariar e pedir a cesión mediante convenio coa Consellería de Educación das vivendas de profesores existentes en moitos centros educativos da cidade “en absoluto abandono” para darlles un uso social.

Para EU de Vigo situacións como as que está vivindo Áurea e a súa familia poñen en evidencia que a administración local viguesa, cos sucesivos colores políticos, artellou unha estratexia de “abandono de políticas de intervención pública en materia de vivenda” e lembra que existen empresas municipais de vivenda en moitos concellos que xestionan parque de vivenda propio, resultado de cesións, embargos a constructoras, etc... e parte do cal incorporase a un fondo social para familias sen recursos.

Vigo sique tendo case o 18% das vivendas desocupadas e EU considera que dentro desa gran bolsa seguro “levamos unha sorpresa do número de vivendas de titularidade local por procesos de asimilacións de vivendas sociais, de antigas empresas públicas ou do antigo ministerio de vivenda dos anos 70-80).


EU fai extensible este censo a locais de titularidade municipal froito de convenios urbanísticos con constructoras, xa que “eventualmente” podense adaptar para vivenda social como fan moitos concellos europeos e lamenta o absoluto obscurantismo sobre o patrimonio inmobiliario público da cidade. 

miércoles, 4 de febrero de 2015

ESQUERDA UNIDA PIDE A XESTIÓN PÚBLICA DIRECTA DOS PARKINGS DO CALVARIO, COIA E ROSALÍA DE CASTRO

O coordinador local de EU e candidato á alcaldía de Vigo, Rubén Pérez, considera que nunca deberon saír a concurso para a súa xestión a través de empresas privadas e mesmo algún deles nin debería "ter sido construído pola cercanía doutros parkings que nunca están completos".

ESQUERDA UNIDA considera que a xestión dos parkings directamente dende o Concello a través da fórmula de empresa pública non só é posible senón que ante a realidade de que os aparcamentos públicos deberían ser un servizo e non un negocio lucrativo.

Para EU o uso do solo e subsolo na cidade é público, polo que perfectamente un Concello pode asumir a xestión directa do servizo, ofertando tarifas con bonificacións a traballadores e traballadoras das áreas que comprende a área de influencia do parking.

Esquerda Unida considera que a construcción e adxudicación de estos parkings responde, unha vez mais, a intereses económicos de empresas privadas, facilitados polo concello, e, unha vez máis, con resultados nefastos na xestión posterior, como era de esperar, o adxudicar o servizo a empresas que non ofrecian a solvencia necesaria para a correcta xestión do servizo.



RUBÉN PÉREZ, CANDIDATO DE EU Á ALCALDÍA DE VIGO, PIDE “VERDADEIRA PROPOSTA UNITARIA” NOS ESPAZOS DE CONVERXENCIA XURDIDOS NA CIDADE

Rubén Pérez, que foi o único candidato presentado para as primarias abertas de EU na cidade cuxo prazo de recolla de avais rematou este fin de semana, considera que baixo o nome de “plataforma cidadá”, pode autodenominarse “calqueira iniciativa de parte”, sen garantías de ser realmente un espazo de encontro da esquerda política e social.
Para EU, a MAREA está tendo un debate constructivo e plural sobre a formula de concurrir ás eleccións, pero considera que ten que abrirse a espazos de converxencia que se poidan construir fóra da nosa cidade para evitar o “bloqueo sistemático ao municipalismo de esquerda” que pode realizar unha deputación dominada polo PP.
Esquerda Unida priorizará a proposta programática sobre formulacións de candidatas/os ou fórmula xurídica xa que entende que “o tempo político actual require audacia e responsabilidade”.
Esquerda Unida, de acordo coa súa folla de ruta acordada na asemblea local, remite cartas a tódolos colectivos sociais da cidade, AAVV, asociacións culturais, deportivas, etc… para interlocucionar con elas sobre o modelo de converxencia política e programa que precisa unha cidade como Vigo para ser actor importante no proceso de ruptura democrática que defende EU.
Esquerda Unida avanza que o vindeiro luns 9 de febreiro estará en Vigo Alberto Garzón, candidato de EU á presidencia do goberno, para apoiar a candidatura de Rubén Pérez nun acto público na cidade