O luns 25 ás 20 horas na Casa do Libro de Vigo (Rúa Velázquez Moreno) terá lugar a presentación do libro Castelao na Unión Soviética en 1938 de Xesús Alonso Montero. No acto acompañarán ao autor, Rubén Pérez (secretario de organización do PCG), Alfonso Paz-Andrade (vicepresidente da Fundación Castelao) e Manuel Bragado, director xeral de Xerais.
13 de Agosto de 2004. O momento climax da orxía grega nesta bacanal chamada Europa. Grecia ven de pelexar ano a ano, golpe de talonario a golpe de talonario por ser sede dos Xogos Olimpicos. Hoxe é o día, como eses novos ricos, gastan potosís en facer que dende fóra das cícladas todo o mundo olle a riqueza e progresión de Grecia. A apoteosis do goberno corrupto e enfermo do PASOK xa ten circo para apaciguar ao país.
Apáganse as luces do estadio olímpico de Atenas. Haris Alexiou e Dalaras, a mítica cantante e o músico heleno entran no escenario da multitudinaria cerimonia de inaguración. Todo en silencio e escomenza a cantar o Mana Mou Hellas, ese epitafio en forma de canción rebetika que dende xeneracións fai lembrarlle a Grecia que máis que historia ten un drama. E cantan……
Pero agora que espertaron as serpes
ti levas postos os teus antigos adornos,
e xamais derramas unha bágoa, nai Grecia,
que aos teus fillos vendes como escravos.
As grandes palabras mentireiras
dixéchesmas co teu primeiro leite.
Pero entón cando eu falábache do meu destino
vestírasche cos teus antigos luxos
e no bazar tomáchesme como unha xitana a un mono,
Grecia, Grecia, nai da pena.
As grandes palabras mentireiras
dixéchesmas co teu primeiro leite.
Pero agora que o lume brota de novo
ti miras as túas antigas belezas
e ás areas do mundo, nai Grecia,
sempre transportas a mesma mentira.
Grecia disfrutaba do espellismo chamado Europa. A canción de Dalaras parecía xa conxugada, empezaba a festa pero xa intuianse as resacas.
8 anos despois de aquel conxuro, de esa Grecia narcotizada somentes queda ese frío que se mete nos corpos con medo.
Triste historia a de Grecia, mil veces vendida, mil veces traizoada.
O Partido Comunista de Galicia celebrou a súa Festa este sábado 2 de xuño en Ferrol, no Paseo Marítimo de Caranza, na rúa Cartaxena. Unha Festa que estivo enmarcada nun contexto de crise económica, de recortes sociais e de involución democrática que, para o PCG, requiren dunha mobilización constante dos e das comunistas galegos con dous obxectivos fundamentais: non perder as conquistas sociais e políticas das que os e as comunistas foron protagonistas no século pasado e avanzar cara a consecución dunha sociedade alternativa ao sistema capitalista, no socialismo do século XXI.
Por primeira vez en vinteseis anos o Partido Comunista de Galicia recuperou a tradición da Festa dos e das comunistas galegas, unha xornada de lecer e compromiso coa que o PCG vén sumarse ás numerosas que o PCE celebra en todo o estado e que culminan na Festa do PCE en setembro en San Fernando de Henares. Este ano a festa centrouse no pasado e futuro do sindicalismo de clase, no marco dos 40 anos das Folgas de 1972 e na celebración do 90 aniversario da fundación do PCE.
No transcurso da Festa do PCG mesturáronse coloquios, concertos, gastronomía, e exposicións, ademais do mitin central.
En canto aos coloquios, o primeiro deles baixo o título de "40 anos das folgas de 1972" contou coa participación de Rafael Pillado, ex-secretario xeral do PCG e dirixente obreiro no 72 ferrolán; Waldino Varela, fundador das CCOO en Vulcano e dirixente obreiro do 72 vigués e Sari Alabau, ex-concelleiro do PCG e EU en Ferrol e represaliada no 72.
Coloquio "O futuro do sindicalismo de clase"
O seguinte coloquio analizou o "O futuro do sindicalismo de clase" e contou coa participación de Víctor Ledo, das CCOO de Ferrol José Luís Pedrosa, Secretario Comarcal de CCOO en Pontevedra, e Rubén Pérez, secretario de organización do PCG en Galicia e coordinador de EU en Vigo.
O terceiro coloquio analizou "Os retos da esquerda alternativa" e nel participaron José Luís Centella, Secretario Xeral do PCE, deputado e responsable federal de Política Institucional de EU; Yolanda Díaz, Coordinadora Nacional de EU e membro da Executiva federal de EU e Carlos Portomeñe, Secretario Xeral do PCG e membro da Presidencia federal de EU.
Durante o transcurso da Festa os asistentes puideron visitar a exposición "MERCEDES NÚÑEZ TARGA, O VALOR DA MEMORIA", unha exposición sobre a vida da histórica militante comunista, fundadora do PCG, secretaria de Pablo Neruda, represaliada polo franquismo, combatente nas filas da Resistencia francesa e presa nos campos de concentración nazis.
O mitin político foi o acto político central no que participaron José Luís Centella, Carlos Portomeñe e Carlos Álvarez, Secretario Xeral das Mocidades Comunistas Galegas.
A partir das 22:00 horas desenvolveronse os concertos a cargo das bandas EL VIEJO CARACOL, M&M´S BAND e A SENTINA
