Dentro do proceso de elaboración colectiva da proposta programática de ESQUERDA UNIDA de Vigo, hoxe empezamos unha interesante rolda de xuntanzas con colectivos memorialistas e republicanos da nosa cidade. A primeira xuntanza será esta tarde coa activa ASOCIACION VIGUESA POLA MEMORIA DO 36, exemplo de traballo constante e conscente pola memoria histórica e a defensa dos valores republicanos dende fai moitos anos. Esta é a proposta programática de ESQUERDA UNIDA que queremos trasladarlles e que deixo aquí para que todos poidades aportar ideas. Para construir memeoria e República entre todos e todas.
MEMORIA HISTORICA E REPUBLICANISMO TAMÉN DENDE O MUNICIPALISMO DE ESQUERDAS.
1. A memoria histórica e a vindicación dos valores republicanos non é para ESQUERDA UNIDA un feito nostálxico, unha actividade cultural ou un capítulo histórico, é parte indispensable da rexeneración democrática do noso país que quedou aparcada polo pacto da chamada transición democrática. Hoxe, xa ninguén é deudor desa etapa política polo tanto falar de República, de exilio, de represaliados é falar de democracia e de restauración de dereitos civis e humanos.
2. Quedan aínda miles de familias con familiares desaparecidos, miles de represaliados aínda vivos, de persoas con vidas alteradas polo exilio, etc... polo tanto non é un feito histórico ou pretérito, é un feito actual e cercano a todos nós. Recentemente o concello de Vigo pedia ós familiares do dirixente comunista vigués Francisco Barreiro Barciela, fusilado en 1941 nun dos procesos militares máis coñecidos do franquismo, o proceso “Larrañaga e Dieguez”, que demostraran a defunción deste home para solventar a titularidade de nichos no cemiterio de Pereiró, o que amosa como se ocultou e borrou a nivel municipal a represión sobre os conveciños.
3. Non se teñen dado pasos para equiparar ós presos políticos do tardo-franquismo cos da postguerra inmediata a contenda. O caso do vigués Baena a dos represaliados no 72 en Vigo e Ferrol é evidente. ESQUERDA UNIDA ten presentado durante o goberno bipartito unha proposición de lei no PARLAMENTO GALEGO para elo sen obter máis que boas palabras por parte do entón presidente Touriño (militante comunista na clandestinidade) e do conselleiro de presidencia.
4. Como todo feito histórico a guerra civil e a represión inmediata ten unha dimensión local, nos últimos anos os historiadores contemporáneos teñen feito un énfase na historia local como focalización rápida dos contextos históricos máis xerais. EU quere ir máis aló, pretendemos que as accións lexislativas orientadas á restitución democrática dos loitadores antifranquistas teña unha dimensión municipal, convertendo ós concellos en promotores de actividades de reivindicación da memoria histórica, de axuda e asesoramento á familiares e represalidos, vindicando nas actividades institucionais e culturais a memoria da dignidade republicana. É unha realidade que Vigo ten sido nos últimos años, sobre todo co mandato da dereita pero singularmente baixo o mandato de Abel Caballero, un concello anmésico, volcado en borrar a memoria republicana da nosa cidade.
POR ESTOS MOTIVOS ESQUERDA UNIDA DEFENDERÁ AS SEGUINTES POLÍTICAS NO CONCELLO DE VIGO:
5. MEMORIA HISTÓRICA
5.1 A condena ao réxime franquista explicita no concello como así se ten feito en centos de corporacións municipais a través de mocións.
5.2 Cumprimento municipal da Lei 57/2007 de 26 de decembro pola que se recoñecen e amplían dereitos e establécense medidas a favor de quen padeceron persecución ou violencia durante a guerra civil e a ditadura, coñecida popularmente como Lei da Memoria. Especialmente no tocante o seu artigo 15, sobre símbolos e edificios públicos, dando fin a toda a simboloxía franquista na nosa cidade (especialmente a Cruz do Castro)
5.3 Pedí-la nulidade radical de todos os procesamentos, sentenzas, condenas e/ou sancións de cidadáns vigueses polos motivos contemplados no artigo 2.2 da Lei de memoria histórica do goberno español.
5.4 Seguemento e continuidade pública e institucional de todo o proceso da recuperación da memoria histórica, así como divulgación dos traballos respecto diso nos ámbitos veciñais, redes culturais, museos da cidade, etc...
5.5 Creación de directrices urbanísticas e medioambientais para a adecuada preservación, conservación, mantemento e divulgación de todos aqueles paraxes, lugares e establecementos relacionados coa o Guerra Civil, a represión franquista e a loita antifranquista. MARCO, ANTIGO FRONTÓN DE VIGO, CASTELO DO CASTRO, PRAIA DE CANIDO, etc...
5.6 Determinación na Lei da obrigación administrativa a todos os niveis na intervención pública e institucional nos labores de localización, identificación das fosas ou enterramentos das vítimas do franquismo, e no seu caso exhumación, así como a divulgación dos resultados. Elaboración dun protocolo de actuación científica multidisciplinar que asegure a adecuada intervención nas exhumaciones aos adecuados efectos forenses, historiográficos e xudiciais para garantir a adecuada constatación e divulgación dos feitos.
5.7 Establecer a obligatoriedade para a administración local de retirar mencións ou signos de exaltación da ditadura franquista ou de persoas vinculadas á mesma de todos os ámbitos públicos do seu titularidade como monumentos, rúas, prazas, edificios, etc.
5.8 Instar ás institucións privadas, especialmente a aquelas que perciban fondos ou subvencións municipais, ao establecido no párrafo anterior en bens ou ámbitos da súa titularidade.
5.9 Acceso a tódolos arquivos municipais ás familias que queiran coñecer a verdade da represión sobre os seus familiares.
5.10 Recoñecemento do dereito de entidades sociais e culturais e de persoas físicas, ou no seu caso dos seus herdeiros, á restitución ou indemnización de bens incautados, durante a guerra ou a ditadura, polo réxime franquista. PARTIDOS POLITICOS, ASOCIACIÓNS AGRARIAS, LÚDICAS.
5.11 Creación dunha REDE LOCAL DE MEMORIA HISTÓRICA que artelle nos barrios a redacción de actividades
5.12 Revisión de distincións, nomeamentos e títulos honoríficos otorgados pola corporación municipal durante a ditadura. Por parte do concello procederase a revisar e invalidar todas as distincións, nomeamentos, títulos honoríficos e demais formas de exaltación de personaxes ligados ao réxime fraquista, procedéndose a realizar as dilixencias oportunas que o certifiquen, así como á retirada de placas e todo tipo de referencias ás concesión de devanditas distincións.
6. REPUBLICANISMO
6.1 Incorporación do Concello de Vigo á REDE DE CONCELLOS POLA III REPÚBLICA.
6.2 Adopción dos valores republicanos: solidariedade, fraternidade e igualdade a todo o conxunto de propostas programáticas e políticas de ESQUERDA UNIDA en Vigo.
6.3 Institucionalización do 14 de abril como DIA DA REPUBLICA e do 18 de xullo como día de lembranza do xenocidio fascista.
6.4 Coherentemente cos valores democráticos da Repúblican defendemos a potenciación do público, desde un funcionamento eficiente e eficaz como única garantía de redistribución e satisfacción real da renda e os dereitos sociais da maioría da cidadanía. EU orientará a súa actuación preferente cara á xestión directa e dentro desta, a elección de cada modalidade axustarase á natureza e o tipo de actividade e servizos. En todo caso EU expón como elemento diferencial a xestión participativa.
6.5 Racionalización e laicización da vida intelectual, moral... separación entre Igrexa e estado tamén nos ámbitos locais.
6.6 Aumento do peso específico dos concellos na estructura do estado (descentralización).
6.7 Democracia participativa nos concellos. Orzamentos participativos.
6.8 Valorización da herdanza cultural e artística da II República no desenvolvemento cultural e lúdico do Concello de Vigo.
O pasado día 21 de Marzo de 2011 EU de Vigo mantivo unha reunión coa directiva da AAVV de Valadares no seu local sito na mencionada parroquia viguesa. Asistiron Rubén Pérez, candidato de EU ás próximas municipais, Eva Solla, nº2 da candidatura e Adrián Pinacho, responsable de comunicación de EU. 
O venres 25 de marzo unha comisión do consello local de EU Vigo reuniuse coa directiva da Asociación de Veciños de Coruxo. En dita reunión EU Vigo espuxo as liñas xerais do programa co que concorre ás vindeiras eleccións, e recolleu as inquedanzas e demandas dos dirixentes veciñais desta parroquia viguesa.
